Duterte, binisita ang mga biktima ng landslide

       CEBU, Philippines – Binisita ni Pangulong Rodrigo Duterte ang  mga biktima ng landslide sa Naga City, Cebu  nitong Biyernes ng hapon, Setyembre 21, habang  patuloy paring isinasagawa ang search and rescue operations para sa mga natabunan ng lupa.

Sinuri ni Duterte ang kalagayan ng mga biktima ng landslide sa Enan Chiong Activity Center, na nagsisilbing evacuation center para sa hindi lalagpas sa 1,500 na residente, na lumikas mula sa kanilang bahay, ng Sitio Sindulan, Barangay Tinaan.

Iniabot ng Pangulo ang kanyang pagdadalamhati para sa mga nawalan ng buhay sa nangyaring insidente.

“Ako, nasubo tungod sa nahitabo. Dili malalim ang pagka krisis nga inyong giatubang karon. Bug-at kayo. Dili lang tungod sa daghang tao nga napinsala ugkatong nangamatay,” sabi niya.

Magbibigay ng P45,000 ang Department of Social Welfare and Development at Office of the President para sa bawat pamilyang nawalan ng kamag-anak dahil sa trahedy habang bibigyan naman ng  P10,000 bawat isang taong nasugatan sa landslide.

Sinabi naman ni Special Assistant to the President Bong Go na inatasan na ni Duterte ang iilang ahensya upang masiguro na ang lahat ng pangangailangang medikal ng mga biktima ay naiaabot, at binibigyan ang mga biktima ng funeral at burial assistance.

Ipinangako naman ni Duterte ang pagbibigay pundo sa pagpapatayo ng mga evacuation centers na magsisilning pansamatalang tuluyan ng mga residenteng pinalikas mula sa kanilang tirahan.

Inatasan naman niya ang National Authority General Manager Marcelino Esclada Jr. na trabahuin na ang pagpapabahay para sa mga biktima ng landslide.